Ang Pag-IBIG Fund sa pagpakig-angut sa Munisipyo kang Bugasong (Local Government Unit of Bugasong), naghiwat kang sangka Mass Wedding ceremony para sa mga wara makasal nga mga magkapareha kadya nga Adlaw kang mga Tagipusoon (Valentine's day) kag ginhingaranan nga "I Do. I Do. Araw ng Pag-ibig."

Ang seremonya ginpangunahan kang tatay kang banwa nga si Hon. John Lloyd Maguad Pacete kag nasayuran kang mga opisyales kang nanarisari nga sanga kang Pag-IBIG Fund sa bilog nga Western Visayas. Dyan man nga nagtambong sa nasambitan nga okasyon sanday Hon. Casimira S. Dela Cruz kag Hon. Lea Agnes V. Pediangco, Sangguniang Bayan Members sa banwa kang Bugasong.